اللي اظهرت عن سلم اهلها وش تكون=يعنـي بتقـول المعرفـه مأدبتـهـا
يقرون علم الغـرب ويجـوك يفتـون=وحنـا نعيـد لمثلـهـا معرفتـهـا
على الضعوف منـا لاوادم يهـذرون=بلفيـت هـم اهـل الحداثـه وستهـا
بلـو حناجرهـم بهـا مـا يعرفـون=وخاضت بهـا افكارهـم مـا نهتهـا
ياليتهم قامو علـى النـاس ينهـون=فعـل المكـارم كانهـا مـا اقدرتهـا
اظنـهـا بتـهـون والله وتـهـون=لكـن سـؤال فيـه نعمـه اكفرتهـا
ولكنهـم بالنـاس قامـو يـنـادون=هل يأتي من العرف يحمـل صفتهـا
لقت لها من تايـة الـراي مشطـون=خايب وخاض بلحيتـه فـي جهتهـا
بادعوك انا كانك من اللـي يصلـون=يا "****" تـرى والله هـي مصختهـا
في من يأيدها ومـن لـه يصفقـون=ومن له مشى ممشى رجول مشتهـا
على صراط بليس في الارض يمشون=بئس القـرار وبئـس دنيـا شرتهـا
هـم قـوم لا منـا ولسنـا موالـون=لامثالهـم اللـي عـلـى شاكلتـهـا
البنت يا بنـت كمـا المـاء لا لـون=و ريحه ولا طعم يجـي فـي صفتهـا
وان خالطه رجس كما قد هـا هـون=اصبح هماج لـو كريمـه اشجرتهـا
حلاتهـا لا قامـو النـاس يـدنـون=قامـت وخلتهـم تبـي مصلحتـهـا
تقرى كتـاب الله وتعـرف وشلـون=نعمه مـن الله كانهـا مـا اشكرتهـا
وان شافها رجال من غير ما تصـون=عن وجهها مالت على امـن جابتهـا